About Us

fcfs 2

Kan biakmi Bawipa Jesuh Krih hminin nan kutnem kan lo kai.

Falam Christian Fellowship, Singapore (FCFS), hi Krih ruangpum ih pum-then hleice pakhat asi. Kawlram hmunkip ihsin thuhla a phunphun thawn Singapore ih a ra mi Falam Krihfa unau pawl hmunkhat te ah komawk tlangnak hmun asi. ‘Kawhhran’, ‘bu’ le ‘pawl’ tinkip Krih duhdawtnak sungah lungrual te ih umtlangnak innsang asi. Phun le hnam, farah milian, mifim miaa ti-h thleidanawknak umlo in Pathian ih in khuakhansak mi mah le nuncawngkhuarnak cio ah hnatuan in komkhawm awmi kan si. Hmuhnak, ruahnak le duhdaan a phunphunih a dang awmi pawlkha miphun phun khat kan sinak le Krihih duhdawt nakin khangro (vangro) rawng phunphun an komawkih an mawi tlang vekin in kom. Zumtu pawl hmunkhat te ih kan Pathian kan biakkhawmnak, hna kan tuan tlangnak le pawlkom pakhatih lungrual te ih kan um tlangnak pawl hmu in leitlunmi pawlin Amah dungthluntu kansi zia an theihnak ding kan ruahsan. (John 13:34).

Bawipa cu Pathian ih a neitu miphun (Saam 33:12) kan si.

1997 February thla ih rak din thawkmi pawlkom asi. Pawlkom sungah siat-that kan tuar kan lungawi tlang lawng silo in Lairam le Kawlram sung khal ah tithei tawk pehzom tan pi dang kan nei. ‘Leitlun khuaza kipah fehuh la ka dung thluntu va si teruh (Matthai 28:18) ti ih kan Bawipa ih thupek thlunin mission hnatuan kan tuan rero.

Himi website sungah pawlkom cangvaihnak, hnatuannak, Pastor sermon le theihtha thuhla tampi tarlang vingvo kan tum. A zoh a siartu pawl hnenah Pathian in thlawsuah lo pe hramseh.

Leave a Reply

Your email address will not be published. Required fields are marked *