FCFS Thuanthu

Falam Christian Fellowship, Singapore (Thuanthu Tawi)

1980 kum hrawng ihsin thawkin Singapore hi Kawlrammi le Chinmi pawlih pumcawmnak hmunpi pakhat ah a rung cang. Chinmipawl khal 1995 hrawng ihsin hnatuan ih um mipum kan karh zet Acozah siannak (permit) phunphun thawn cetzung, kampani, sizung, mi inn ih um, tvk., kan si. Singapore ih um Falammipawl pawlkawmnak cu 1997 kum, February 16 (Cawlhni) ah Singapore Falam Christian Fellowship (SFCF) ti mi hminin din a rak si. 1998 kum thawk ah Falam Christian Fellowship, Singapore (FCFS) tiin a hmin rem sal a si. Mai tawngte’n hmunkhatte ah Pathian biakkhawmnak nei dingin, siat ni / that ni le harsat tawn canah theihpiaw ih tuamhlawmaw dingin, tvk., tumtahnak pawl thawn din mi a si. Kum tinte’n FCFS hruaitupawl in “Kaihhruaiawknak Dan” hi zohfel sal theu a si ih a tikcu le can thawn milawin rem le bet theu a si. A vawi 1nk Kaihhruaiawknak Dan cu “AD 2000 FCFS Kutkaih” tiin Feb. 2000 ah rak suah a si. Himi hi pawlkawm a din pek ihsin 1999 tiang rak hman mi kaihhruaiawknak pawl kha E.C in finkhawmin zohfelnak a neih hnuah senpi lungkimnak lain rak suah mi a si.

fcfs 2013