Kum (68) nak Chin Phunpi Ni Hlunghlai In Hmang

Posted on Posted in FCF Thuthan

‪#‎Fcfsmedia‬

Chin Christian Fellowship Singapore (CCFs) hohanak in kum 68nak Chin Phunpi Ni cu Febuary 21,2016 sun, sunhnu 2.00pm-5.30pm tiang Nexus Auditorium, Cuppage Plaza ah hlunghlai zetin hman a siih mi 1000 lengin an hman thu theih a si.

Pawlkom pakhat cio in Lai Laam laamnak, zaithiam pawlih awihnak, lai thuammawi hmuhnak tipawl in caan hman a si ih FCFS mino pawl khalin hla fingthum a pehpeh in an laam. Lengdawh Rose Cung Za Len le Valtha Tayler Hruaia in thuammawi hmuhnak an nei ih Salai Lal Lian Te in zaihla thawn mipi a awih.

Sunhnu 2.00pm thok dingah mipi cu 1.00pm ah a hmun an thleng thepțhep zo. FCFS mipi pawl hi a netabik lamih rak thleng an siih tonak khal co loin pawlkom pastor tiang a lengah a ding ti thu khal theih bet a si.

A khawmtu mipi zaten CCFS hotu pu Van Thawng Lian tei’ innsang in laisang le a daithlum an do thu khal theih a si.

Leave a Reply

Your email address will not be published. Required fields are marked *