PATHIAN AH HNGATAW AW – V T. Kum 5, No. 41, Satuah (March) 2016

Posted on Posted in Cahran, Calai

#by Mai Cung Hnem Kim

1. Ngaihsaknak langter dah lo fala/tlangval (ngaizawng) hnak cun hlimnak le harsatnak theihpi theutu rualpi tha le Pathian an hlusawn.

2. Theih ringring na duhlomi le relsuah khal duh nawn lo tiangih na can hman liam zo mi, lo theihsak ringringtu le lo relsuahsak ringringtu rualpi kawm hnak cun lo ngaidam theutu le lo hngilhsaktu Pathian a um ti thei ringring awla pan mai aw.

3. Thuphan ih puh le phatsan na tawn can ah nangmahte’n phuba lak tum loin thutiam ih ding hnget, phuba laksak dingih in tiamtu Pathian kut ah hlan mai aw.

4. Ngaidammi si hnakin ngaidamtu, Theihthiammi si hnakin theithiamtu, Bawmmi si hnakin bawmtu, Buainak thlentu si hnakin remnak tuahtu, Si tum ringring sawn aw.

5. Pangpar nung tha cu a parih a ziam nan a parsal theu, a ziamsuak dah lo. Cuvekin Pathian neitu diktak cu cauh can le tluksiat can nei theu khal sehla, cau lanta loin a dingsuaksal theu, tinungtu Thlarau Thianghlim a neih ruangah.

Leave a Reply

Your email address will not be published. Required fields are marked *