RINUMTE’N

Posted on Posted in Bezai, Calai

by Mai Rimhmui Par

Timzan thlapa eng hnuaiah
Zandai zilthli nemte hrang zerzo
Dawtnak biathu tintian phaiin
Rinumnak thu kan tiam

Hmailam can ruatin
Siang lo cingte’n then a tul leh si
Zantim hnuaiah lungkhatih kan tiamthu ruatin
Nang ngai luaithli a luang biangno parah

Ni le thla cu liam hmanseh
Nang le kei dawtnak hriphang kaihngetin
Ti le nga bang lungthin hmunkhat
Rinumnak thawn thenzai rel lo’n

Kan lungthlitum biathu tintian
Zanmang men bang hloter loin
Cuti’n nang thawn runinn khat ah
Kumkhuain kan lengtlang ding

Leave a Reply

Your email address will not be published. Required fields are marked *